محمود حميدة: إخواتي بيحبوا يمشوا على السنة ويربوا دقونهم ويلبسوا جلابية

محمود حميدة: إخواتي بيحبوا يمشوا على السنة ويربوا دقونهم ويلبسوا جلابية
موقع فل فن - 4/3/2025 12:42:30 AM - GMT (+3 )

‹ ›

تحدث الممثل محمود حميدة عن أكثر معتقد يتمنى مسحها من الوجود، مؤكدا أنها الأصولية والرجوع بالزمن لقرون، مؤكدا أنه ابن هذا المجتمع وبالتأكيد أصابه ما يصيبهم.

قال محمود حميدة: "احنا عايزين نعيش زي ما الناس كانت عايشة قرون قبلنا، ودا يعني عندي أنا إن حس الزمن غير موجود، إخواتي بيبحبوا يمشوا تبع السُنّة، ويربوا دقنهم ويلبسوا جلابية، وعايزين يعيشوا كما عاش الرسول عليه الصلاة والسلام والصحابة رضوان الله عليهم، أنا مش شايف إن دا حاجة مظبوطة، أنت عايز ترجع بالزمن؟ إحنا ربنا خلقنا عشان نتقدم لقدام، لو عملنا كدة نبقا مش مؤمنين بيوم البعث، اللي مؤمن بيوم البعث إحنا رايحين لقدام مش لورا".

وتابع محمود حميدة: دا ينطبق علينا كلنا دا مثل، ولا استثني نفسي، أنا ابن هذا المجتمع وبالتأكيد مصاب بأمراضه، أنا شايف إن دا مرض وإخواتي مش شايفين إن دا مرض"

وتحدث محمود حميدة عن بعض المفاهيم الخاطئة في التربية من بينها أن الرجل لا يبكي، قائلا: "احنا في حاجات كتيرة اتربينا غلط عليها زي إن الراجل ميعيطش، دا كلام فارغ، وزي أننا نتربى على أننا منعرفش نختار مع أن ربنا خالقنا عشان نختار".